Менің Сүйікті қалам диалог :с

"Менің сүйікті қалам" диалог.

Арман: – Сәлем, Гүлім! Жағдайың қалай?

Гүлім: – Сәлем! Жақсымын, өзіңнің ше?

А: – Менде де бәрі жақсы. Оқу жылын қалай аяқтадың?

Г: – Керемет! Мақтау қағазын алдым ғой. Сен ше?

А: – Ал менде математика 4 болып қалды. Жә, оны қойшы. Жазғы демалысқа қандай жоспар?

Г: – Анам лагерь не экспедицияға жаздырам деген. Сенде?

А: – Мен Оралға барамын. Білесің бе, ол менің сүйікті қалам. Осымен 3 рет барайын деп жатырмын.

Г: – Мәссаған. Ол қала несімен ұнайды?

А: – Жап-жасыл ағаштары көп. Соған сәйкес таза ауа. Иә, Орал кішкентай әрі ескі қала. Бірақ маған сол ескілігімен ұнайды. Оралға жетіспейтіні тек тау ғана.

Г: – Менің де барғым келіп кетті ғой. Әсіресе, мен табиғатты жақсы көремін.

А: – Оралда да лагерьлер бар ғой. Мүмкін солардың біріне жазыларсың?

Г: – Анаммен ақылдасып көрейін.

А: – Жарайды онда. Хабарын айтарсың. Сау бол!

Г: – Әрине. Сау бол!