ерлік ешқашан өлмейді эссе​

Ответ:

Міне, Ұлы Отан соғысының жеңіспен аяқталғанына да 77 жыл. Бұл көп уақыт болып көрінгенімен, дүниені дүр сілкіндірген осынау дүрбелең кезеңнің қиын-қысталаң сәттері күні бүгінге дейін көпшіліктің есінде екені рас.

Жеңіс оңайлықпен келген жоқ. Сұм соғыстың зардабын мыңдаған қала, милиондаған адам көргені анық. Шындығында да, бұл сол кездегі Кеңес халқының ержүректілігі мен төзімділіктерін паш еткен тарихи мезгіл.

Ұлы Жеңіс жолында қазақ ұлты да жанын пида етті. Қазақстандық жауынгерлер Брест қамалынан бастап Берлинге дейін барып, ел үшін етіктерімен қан кешті. Олар Сталиниград түбіндегі жертөлелерде, Днепр өткелінде, Москва мен Ленинград үшін болған ұрыстарда ерліктің ерен үлгісін көрсете білді. Украинаны, Кавказды, Белоруссияны, Қырымды, Прибалтиканы азат етті, Польша, Румыния, Венгрия, Чехословакия, Болгария, Германия жерлеріндегі майдан жолдарында Жеңіс туын көтеріп өтті. Жалпы, Ұлы Отан соғысы жылдарында қандас қаһармандармандарымыз қатыспаған бірде бір шайқас болмады.

Қазақ халқы ел басына күн туғанда жалғыз жанын қу шүберекке түйген жауынгер халық болғаны анық. Ұлы Отан соғысының әлі сарғайып үлгермеген қатпарлы парақтарына үңіліп қарасақ, қазақтардың қанды қырғында қаймықпай соғысқанына анық көзіміз жетеді. 500-ден аса жерлестеріміз, оның ішінде 96 қазақ Кеңес Одағының Батыры атағын алды. Сонымен қатар, сол жылдары Қазақстан миллиондаған босқындарды өз бауырына алып, эвакуацияланған завод пен фабрикаларға, майданға керекті оқ-дәрі мен азық-түлік жеткізуші үлкен арсеналға айналды. Ал, тылдағы еңбеккерлер ел тыныштығы үшін тер төге жұмыс жасады.

«Ерлік ешқашан ұмытылмайды!». Бүгінгі таңда Ұлы Жеңістің 70 жылдығына орай тарихқа есімдерін қанмен жазған аталарымыз бен апаларымыздың ерлігін ұлықтау мақсатында республика көлемінде түрлі іс-шаралар өткізілу үстінде. Елбасымыздың өзі бастап жер-жерлерде тұрмыс кешіп жатқан Ұлы Отан соғысының ардагерлеріне қамқорлықтар танытылып, тартулар жасалуда.

Жуырда Қазақстанның 40 жылдығы орта мектебінде директордың тәрбие ісі жөніндегі орынбасары Г.Қабылбаеваның ұйытқы болуымен «Ерлікке мәңгілік тағзым» атты сыныптан тыс мерекелік іс-шара өткізілді. Оған арнайы Ұлы Отан соғысының ардагері Сауытбек Рысбаев атамыз шақырылып, оның ел басына күн туған шақтағы ерліктері жастарға үлгі етілді. Сонымен қатар, Сарыкемер ауылының әкімі С.Тлеуқұлова, мектеп директоры Г.Есентаевалар сөз сөйлеп, жеңіс жолындағы бабалар ерлігі жөніндегі ойларымен бөлісті.

Іс-шара барысында соғыстың басталуы мен аяқталуына дейінгі барлық кезеңдерден көрініс көрсетілді. Көрермендерге әсіресе, жерлесіміз, А.Матросовтың ерлігін қайталаған Ағаділ Суханбаевтың батырлығы мен батылдығы паш етілген көрініс ерекше әсер етті. Мектеп оқушыларынан құралған хор тобының сүйемелдеуімен ақын-сазгер Қ.Нарбатырдың «Тағзым» әніне «Жас ұлан» ұйымының мүшелері қойған қойылым да сәтті шықты. Ал, кеш соңында Ұлы Отан соғысының ардагері С.Рыспаев мектеп оқушыларымен соғыс жылдарындағы естеліктерімен бөлісіп, сұрақтарына жауап берді. Қалай дегенде де қан майданның жалынды жылдарында от пен оқтың ортасында жүрген қайратты, қайсар ұл-қыздарымыздың қайталанбас ерліктері кейінгі буынға үлгі-өнеге екені шындық.

Объяснение:

Қай жері керек сол жерін көшіре сал мынау көп екен