28. Саякбай Каралаев жөнүндө текст менен таанышкыла. Залкар манасчы Саякбай Каралаев 1894-жылдын 7-май күнү Ысык- Көл облусунун Тоң районундагы Ак-Өлөн айылында төрөлгөн. Ал бала кезинен элдик чыгармаларды чоң энеси Дакиштен угуп чоңоёт. Чоң энеси небересине чоң манасчылардан уккан, эсте калган ыр саптарын айтып берген. Бирок, ал манасчы болом деп ойлогон эмес эле. Саякбай он эки жашында Жети-Өгүздө Төлөбай деген байдын коюн кайтарып жүрөт. Бир күнү кара таштын түбүндө уктап калып түш кө- рөт. Түшүндө кара таш боз үйгө айланып, анын ичине кирсе, Каныкей эне тосуп алып, колунан даам таттырат. Даанышман Бакай болсо Манас, Алмамбет, Чубак, Сыргактарды бир-бирден сыпаттап айтып, тааныш- тырып чыгат. Ошондон кийин Саякбай «Манастан» үзүндү айтып, ошол кездеги чон манасчыларга жолугуп, таалим-тарбия алып, манасчы болуп калыптыр.​