10. Өлеңді оқып, автордың қазақ халқына берген сипаттамасын
диаграммаға сал. 1-тапсырманы орындау барысында өзің
дайындаған сипаттамамен салыстыр. Сәйкес тұстары бар ма?
Авторын анықта.
Біз – қазақ деген мал баққан елміз,
Бірақ ешкімге соқтықпай, жай жатқан елміз.
Елімізден құт-береке қашпасын деп,
Жеріміздің шетін жау баспасын деп,
Найзаға үкі таққан елміз!
Ешбір дұшпан басынбаған елміз,
Басымыздан сөзді асырмаған елміз!
Досымызды сақтай білген елміз,
Дәмі, тұзын ақтай білген елміз,
Асқақтаған хан болса,
Хан ордасын таптай білген елміз!